Takk fyrir innlitið á síðuna okkar á Tannlæknastofunni í Glæsibæ. Hér má finna hinar ýmsu upplýsingar um stofuna okkar, starfsfólkið og starfsemina, en einnig upplýsingar um tennur og tannhirðu, sem allir geta haft gagn og gaman að. Við gerum okkar allra besta til að allir sem til okkar koma fái góða þjónustu og gæðamikla skoðun og meðferð, en umfram allt að öllum líði vel.

Á stofunni starfa fjórir almennir tannlæknar, tveir sérfræðingar í barnatannlækningum og sérfræðingur í munn-og tanngervalækningum. Þeim til halds og trausts starfar hér úrval tanntækna, sem sjá um að hlutirnir gangi vel og vandlega fyrir sig, til að upplifun barna og fullorðinna verði eins og best verður á kosið.